Clara Santi Grefa, "They Drink This Plant to Become Jaguars."

Puma yuyu upina man chi raygumara mara kayta ñuka apayaya nigara puma tukungawa upina. Kariwagunata upichina, warmiwagunata no mucho, llullujta apasha takasha upichina. Sasichina uchu kachi mana karana, semana intiruta nijgara. Puma shina cantasha pringada pumatukungawa, upinaun ansallata. Ishkay chushku kuti upinan migara ñuka apayaya, puma tukungawa. Wañusha, ña wañungarausha puma tukusha may almawan puriun chiwas tristecharan. Triste man chiwas purina puma tukushun nisha maygunatas purina. Shinasha kayguna mana vallinzhu yapa pena man kay runa, ña rukuyaupi ña pay may urkugunay cantasha puriun. Chasna nigara ñuka apayaya, sau upiyna man kay puma tukungaj ursayuj tukungaj. Kay aparingamiraun mashti shina, kay wawaguna ishpasha wañuupi, kay sapita takasha yanusha upichina. Kay chi ratu chiu sakirin, garatuy ishpajpi, chi mandaga kay puma yuyu an. Kayga kaytupuwata aparingaraun, kasna kay tupuwata aparingaraun kay tupuwata, kasna, kasna, kasna tuputa. Chi lisan papaj, isaj papaj shina kayga aparijmaun chimandami pay wiñangaraun ashka semilla surkurin. Payga ashkata aparin gustuta mishki sallata puka man, puka. Chi puka chari más remedio gaun, puka, chita ñuka apayaya tandasha apasha rij gara. Wawagunata upichingawa, shinarasha yanusha upichigara, chi ambirin.