Eulodia Dagua, "The Mother of Clay."

Ña masti shuk warmi pai churiyuk akmi warmita apin chi churiwa warmiga Chi chi churiwa warmiga mana awanata ushak asca paitaga cai magalpata mana yachak asca Chi chasaibimi istatucuk agascahuna ayuranti warmiguna asca ascahuna Chi rihuscaiga chiga maitata rihunguichia mama nin paiga Ñucas washa rishalla nisha win paiguna riscawasha alimanda washa Imaraicu yachana munanguiya imaraicuta yachanamunanguiya Yachak ashami yachana munangui chasha nikpi chun tucusha saquirisca Uyarihuscahuna chiga paiga chaznama ruya sapiwi miticusha Shamuwascahunaya nin paiga chiga chasa nishaga paiga tiahun chiwasha paiguna win Tiahusha tiahusha mangalpata surcungawa shamukshallatami ñucataga umasha samuwascahunaya Mangalpata surcusca ajai ajai uyarihucuna ñambitaga chunlla riscahunaya Chiwasha paiguna chunlla riscawasha unanikta tiahuca paiga samuscaya izhalla izhalla ricusha Shamuscai ricupiga mangalpataga casa shitasha saquiscahunaya mangalpataga shitasha Saquiscahuna sitascahuna mangalpata casa shitascahuna mangalpata Shitasha saquiscahunaya chi mangalpata apacunaga Chiga izhalla shamusha ricupiga animal animal carishina gunaga Carishina gunataga Ñucaga yumingashami mana sumak rasha awangawachu apanahun Caigunata tata shitasha rinahun niscaya chasha nishaga paiga yacuma casa yacuma Shitasha casa rimarishaga pai chimanda chi warmi shamushca Ali shamui ushushi niscaya mamacu candachu mana awak candachu mana imaraicuwas balik Nisha rimaitucungui mamacu nisha niscaya shamui mamacu cunan chiga chasanikpiga Jahahuuya apamama ñucata mana awak quilla nisha rimawak aganahun apamama Shamui mamacu cunan intiru munduta uyaringui canga awashaga nishaniscaya Animal carishinagunatami piñarihurani mana mangalpata sumak rasha apanahupi Cunan shamui nisha casnai shayachisca shayachishaga Ñucanchi awana wiwiscuwanga tiak tiak tiak tiak tiak tiak tiak cai maquita waktascaya cai iscandi Maquita wiwiscuwan waktascawasha cunanga maquita casa rangui niscaya Chasanishaga maquipundamanda pucuscaya cunanga cai wiwiscutami cuni painamandawas yali Awak warmimi tucungui nisca tinajata awashawas cairatu callanata awashawas cairatu mucajata Awashawas cairatu wasitas tapachinguimi nisca canga awasha Cunanga paigunatas binsinga rahungui Ama cuitanguichu ñuca canda casa cuscataga ñuca awana ursatami winda cuni niscaya Ama cuintanguichu masa machasha tiarishawas Ama cuitanguichu cuitahuguima masa machasha tiarisas ama cuitanguichu nisca Imawata casa awak tucurangu nipiga ñucalla ñucalla casa awak tucurani nisha rimangui Cunanga surcui mangalpataga Mamacu ñucami cuni cai mangalpataga mangalpa pugrui shamushaga tapushami amuta tapushami Apana an animal carishina gunaga casa usu usu apasha rinahun nikpiga Ñikpiga ari niscaya apamama cuwai niscaya awashami sumak rashami awasha niscaya Mangalpawawataga ña shinashaga apai nishaga paita cuscaya ashanga rucuta ashanga rasha Cupiga aparisha risca pai chi paiba cariwa mama ricuscaya ashangata aparisha rihuta ricusca chi Ujuiii pacha niscaya cunanzhari shimi pungara tucunga rahuni mucajaibi upisha niscaya Yanga bisu astaripichu alita yachan niscaya Ima cunanga awangata rahuya cai warmiga casa astakrishaga Paiga ni suk shimitas mana imatas rimasca tiarica mujata awascaya tiarica callanata awascaya Tiarica tinajata awscaya ña wasita tapachik agascaya Paina mandawas yali awak tucuscaya mas wairashina Tucui runa manzharik agascahuna imawata casa awak tucurangui nisha tapuk agascahuna Casami cuintak agascaya casami cuitak aganahun chitaga ñucanchi rucugunaga Mangalpa mama paiba amu chiwaraicuta tapusha apanahanhun mana yaillawanga dinoga mizhak apamamaga Ña masti apamama canda yarishami shamuni camba mangalpa wawata cuwai Mana mizhawanguichu apamama sumak churashami awasha illaktami awasha Cuwai camba mangalpawawata ama mizhawanguichu apamama apamaman Cuwai camba mangalpawawata apahuni apamama chasha nisha Tapusha apana nisha ñucanchitaga rucugunaga nitucuk agaranchi Chai ñucata cuwaipasakta munaita riki Mana tapusca apiga mana cukchan chan paiwas mizhahun paibaktaga Ña apamama yumingawangami