Luisa Cadena, "Sacha Runa unguchin."

Kan rikujpi, ñukanchi shamujpiga o runa shamujpiga mana riksishka runa shamujpi. Mana riksishka shamujpi payga ñukanchitaga shitanata munaunmi payga pajuchinata munaunmi ñukanchitaga. Pay imasnara sintin, mana gustan? Mana gustan, mana rikunayanzhu ñukanchitaga, kangunataga ña amutarashka maun kay sacha amugunapi. Ñukanchi shukmanda shamunchi, mana pay gustanzhu ñukanchita. Imarasha mana gustan? Chasna, supay yachan pay. Pay mana, mana yacharishka. Mana yacharishka, ña washa ñukanchitas amutaran puriupi, puriupi, paywas amutaran tukunchi nukanchitas. Yacharin? Yacharin. Riksin, mana riksishka runara pajuyachin? Mana riksishkataga, chitaga ña wawaymataga shuk ruraylla kuyna, ishpataga rurangaya. Sacha shitashka ninaun chita. Pay pukun o imasnara shitan? Pay shitanmi payga, runa shima manun, yachaj, yacha payga. Pay an yachak? Shitan? Shitan shu viruti? Virutiwan shitaun, chiraygutami wawa ima tullundi tukushka ninaun chita. Tullundi? Yachakmi pukungauna chita. Yachak rikun chita ukuma shu tulluta? Mana pukushallata ambina, pukushallata, tabacota pukushka washa pichana an chaymi ambirin payga. Y maykanbi Doña Luisa, Doña Elodia kuna kambak. Wawa giaun uyajpi? Chi giaun supay. Pay imasra sintin, wawa imasnara sintin? Mana, ña pajuchingaj giaun niunga. Pay wawata mana gustashami shitan, wawata pay munan, munasha pay mikunatachari munan. Chasna asha shitan, chi wawata pay giaun niushaga. gian supay. Kan rikujpi ruya munan wawara? Enda, ruyaga runa an ninaun, chasna asha pay munan wawata. Chasna asha mikunata munasha payga shitan, chiwaraigu ungun wawaga. Wawa almara apin? Wawa almata apin, chiwaraigu kutichi nishatami mashti pichaj aungunaya, paywa almata kutichingui nisha. Y alma maykanbi, yaku runa, yaku warmi enamoranun? Enda, shuwa. Shuwa, pero yura shina shuwan, munan? Ruyawas shuwan, shuwan karu sachayga shuwan, karu sachaypi, apanmi pay. Alli warmita rikusha, alli karita rikusha warmi karita apan, kuti warmi randita kari apan, chasna man. Ruya? Enda. Warmi yura. Enda apan payga. Warmi? Enda, payna iyaybi kayguna payba pungu shiaun, tulun uyariun y apay pasan. Maytas maskasha mana tupashun. Y ukuma imasnara? Wasi shian pay rayguga. Wasi. Wasi shian, wasi. Urku ukui kuynta? Enda, urku ukuy kuynta pay rayguga wasi, atun ruyata sacha supay wasi nij manun ñukanchi yayagunaga. Chiguna alli rikujpi guapo anun yaku runa kuynta? Yaku runataga yangami yapa alli man, akchayuj man ninaun, ñuka kay ñabiwan rikuj mani puka yakuy. Y kay ruya randi? Kay ruyawa supayga alli runa man. Alli runa, alli warmi shinallara? Alli wari, warmiwas alli warmi man, randi yaku supayta yapa alli niunguna. Mana, ñuka kaywan rikushka mani, canoay bagrita aysashami mashtita anzhiluta lluspichiurani. Anajmanda tupug, tupug, pag pag, runachari shamun nisha ñuka mana manzharanichu. Enda uyarimura, kawishka shina chimi kasna rikujpiga kaywan pariu pag, pag, pag, pag. Iridag, kay tunu akcha kaybi charianya pacha shina kayta, chasna ranga mulinun, mulinun, mulinun, mulinun. Ña kay ñabiwan rikushka mani, chiga ñukama rikug lliu, aylla ima animaltara mama, mama kaparirani. Imarukucha lliu ñabirukumi kay ñukama shamuwaun nisha, maybi mama rikuj rikuj aura kaybi. Maybi, rikuy, mamata rikuj tupug llin, imaynata susrarina gunawan paywa waytanata rikuj mangui. Intiru chakiyuj man, makilla runa maki an, chasna llin akchaga kayta pulan. Ñuka mama ñabita, rukuyata riki, ruya siriura, tian shukma, tian shukma chay intiruy risha topug topug. Ñabiwan kaywa pariu akchaga paitaga mana anchuriuchu, chasnata rikuj mani. Yanga alli runa, alli warmi yanga ninaun nisha uyaj mani ñuka, yaku runata rikusha. Pero alli runara rikukangui? Runa, runa ashpallata iridagma rikuj man, awama lliu. chasnata rikuj man, lliu nabi. Lliu ñabi man yaku supay warmi, chasna rij tupug mulinun, mulinun illan, ña rin.