Luisa Cadena, "On the Origin of Thunder."

Kan rikujpi wayrachu urmara, mana, chita shitashka rikuy intiru shinata chasna shitashka. Kan rikujpi imara tukun? Rayu, shizhi rayu chimi shitan payta bala apin bala apijpi ña kasna kasna ruya shakailin partiringa ña. Rayu balata charin? Enda balata charin, allpay yaykuta rikungima, ñuka ña kay ñabiwan rikushka mani. Maman chagra chindaymi shayara kasna atun ruya. Ñukaga sordomi tukurani rijriyas ñuka chagramara atun chagra. Chibi aunka ñukaga ruyaukumami mitukurani ruya kuchushka ukuma punzha punzha punzhata. Ruya pacha kayma chayma imata tijsihka shinami urmara payga bala apishka, chi chitatata niuni. Kay uktu shinami yayushakara chi bala allpay kasna man chi raygutami runataga wañuchij anya. Masna runata wañunaun runawas. Kan rikujpi rayu runa man? Runa, runa. Imasnara an? Ashka kuyntana man shu uras kuytangawa kunanga ashka man. Pero cuentay imara. Kallari timpu ajtacha kuitashkangui, ña, chiga kallari uraska runa ashka, mundo piñashara ima piñaj. Runatas mana gustaj warmitas tukuy uras makaj ña ima piña runa ashara. Chiga paygunan wañuchishun nisha chapanakunaura apanakujpi payga mashti pishkuta kayashka. Apawaychi nishka chi iman mana rinata ushasha paytaga kindishi. Ñukaga atun canowayuj mani kay ñuka canoa apiringi nipi pay singaysha apirishkara rayuga. Apasha awama ichuirishka paytaga, awama sakiyrishka, chi raigushi chi rayu awama tian. Shina rashaga kindiga shamushka kunan chi piñanyashkataga awama piwas mana kausanaychu sakiyrini nirashi. Chaybishi payga uchuta tarpura uchuga ña uchulla chagraj chara rayuga chasnay shi ushushiga sakirishka. Ushushi sakirijpi ñuka yayay sakiwayri nishka warmi ñuka kusay sakiwayri nijpiga kindiga winzha astara. Chiga rikuirijpiga ña yayaga uchu llullu chagratacha raushka ukutaga inzhij. Chiga payna paktajpi tayllashi piñarira, ima mana yaya ñukanchimi shamuunchi. Ama kasna ñukanchita piñaychu nisha shu ushushi nira changancha urmara ushushi rikusha rayuga. Urmashka payga chiga ña chayma sakiyrishka chi raygu shi mundo piñashashi chasna rayuga chasna ruragan. Runatas wañuchij imashara ima shina piña runa payna, chiga kuna awama tiaun, kasna kuytaganaun chita rayu. Uchuta pallasha apasha rishka warmiga uchuta pallasha risha, lartuchu ninchi runaga. Chitashi apasha rishka chiga piñajmi shamun kaiga, piñaj ñukamanda llalli piñajmi shamun nishashi nin. Chiga nijpiga warmiga apasha rishaga kallanai tiki tiki rasha ñawisha churaj ashka. Kaywanga wañushami ñuka kay asnaywanga nira warmi chasna tikisha churairin. Kunanga ñukawan tiangawan kaybi kausangawa nisha payga awama sakichishka. Chi piñaj chasna kay ruyata ruran, ñuka chagra chinday rikuj asha nini maytacha rira allí shitashkaga pala pala... urmagan. Ñukas casimi wañurani tuntiarirani chasna man rayuga, Juanbaj shu wawa wañushkata rayu wanchira. Chimanda shu compañía runata cunetata rauta iruta pay mana rikunata munan chi raigu ñukanchi rayu shizhita raun. Ukuma kay cuchilluta pakaj anchi ruyukuma imas pakashunchi iruta mana rikunata munan. Chiga irullata garayuj payga ashka cunetata raushka ñukanchi llaktay. Chiga rayuga ayllugunaga mitikushashi wasiy shayaushkauna rikuillayta chi pajlan urmashka. Mana atarishka kallpashkauna rikungawa, rikujpiga rayu apishka. Chita operasha rikujpiga ukumaga ña win chayashka shina ashkara.