Pedro Andi, "A Cedar Tree Cries Knowing its Death is Near."

Kay yura anmi cedro nishka canoa rana yura payguna anguguna batia, payguna atun anguguna rawshka batanguna cirtu ñukanchi llaktapurama yapa ashka awallaktaguna kaygunara yapa tukuchinawshka chi raygu ñukanchijma tian ichin cedro kay tupushitugunawna cedro ninchi kaygunanma ña chara malta mi an mana ruku atun yurami tukun kay shina ajllaira rikunchi kay yura ujtu ujtura charin kay maybis charin chi raygumanda kay wañungarawsha pay wakan kayta ña uktu tian ukura paywaj ukura mastijpi kay ña llujshimun paywa ikiguna kay yuragunara askagunara ñukanchis tarabashkanchi ñukanchi kay yuraguna balij aka yapa ashka balij katungaj chiraygu ñukanchis maskashkanchi, awallaktaguna payguna kay ruya aceranawpi ñukanchisga mutosierragunara randisha mana yachaskamanda kuna punzhay sirbirina yurawnara maskasha mas atun yuragunara kuchujkanchi chi raygu mankanbi rikushkanchi kay tunaguna llujshijpi ukura kuchuj rikujpi, charin ismuriwshkara chi raygu kayguna llujshij kay manchaguna yura ña pay ña mana unay timpu kawsangaraw anzha anzha tiempolla kan, kan rikujpi chi wakashkay cirtu pay llakirin o yanga ninchi bueno, yura imasna ñukanchu ñukanchi ungurisha runa ungurisha nanajmpi ñukanchi shu doctor rimangacha ansalla tiempo charijpi nijpi llakarinchi wakanchi ñaybiamanda iki talirin shina kuintallara kay yuraguna an kawsaj an allpay chi raygus paywaska sintin ña paywa kawsay mana mas ashka ringarawjpi llakirin wakashka rikurin pajliama, pay ña ukura ismurishka rikurin kay tunu yuraguna mana alli yuraguna kawsanyu ukura ismurishkara chariw pay chi raygu payguna llujshishka rikurin kayguna ashka puchukaybi pay wañunaras ushan ukuma kay yura mana kunashitu mana wañushkachu panga tallirishkami an karan huraspi kay cedro y ahuano tallirinara ushanun pangara payguna kuti pangaruku pangara ichusha, kuti mushuj pangara apisha kuti ruku panga ichusha, mushuj pangara apasha shina rinaw karaguna shinallara kay karaguna llushtirisha lluchurijpi kuti llujshimuj kara kay tunullara tukun shinarasha shinarasha shinarasha atunyasha rinun kayguna chi raygu kay yura ashka balij yura