top of page

Scientific name

Bélgica Dagua - A hummingbird warns of rain

Ñukanchi chi raygu kirik anchi kasna tamia shamungarawpi pay ña piñaura mana richichu nisha, riki. Chi raygu ñukanchi ña shamusha kay, mas chima tamiakpi ña ukungaruanchi. Chi rayku pay ña musiasha, mana richichu nisha, ñukanchi "pik, pik!" piñaura. Cierto man. Pay rimashka paktarinagaraun. ña ansa tukun ña tamia tukungawa chi raygu pay piñakpi ñukanchi chi raygu ña ima tukungarupi ña pay rimak api musiak anchi, yachanchi, kunaga ña tamia riki ansa tukuta.

Bélgica Dagua - On traveling light: The hummingbird and the dove.

Mikunata apamgui nin mana chi nukarandi nini mana kindi shanallami illak riwni may sisatupask kay upimgarawni kanga ashkata aparisha riwngui urpishina shina chitaga aparisha aw pay runa ashkay chi payga kindi shina illak riwn chi maybiwas sisata tupasha upishanisha nisha chazhnalla riwn chi urpirandi randi aska mikunata aparisha riwngui nisha rimay niwrani asisha niwrani nuka churita pay niwpi an na payga rikungui kindiga riwashka illak chiga na illakillak riwpi animal tulluyashca imangawata mana mikunata apashapuringui nishashi nik ashka urpiga chi kindi randiga nukaga imawata aparisha purisha tarabushtaga aparisha purishachu nuka may sisata tupashkay nukaga upingarawni nik ashkaya nikpi pukgri urpi randi kay aparisha asisha zhiun zhiun pasaak ashka payta nisha pasawn asisha pasawn imangawata kashna asiwangui asinayakta mana kayllata munturarisha kamba ismata apashariwpimi asini nik aska kindiga chimanda chazhna akpi nuka asisha chashna rimasha riwrani aaw ismata pay mikunata asckata palanda lumu aparisha riw aska urpiga pay kindiga zhiun zhuin asisha pasak askaya imangawata asiwangui nisha bultiarisha rikuk ashka asini nik ashkaya kan ishmatachu chintiruta aparisha riwngui nisha chasa akpi chashna pay nisha rimay nisha asiwrani kanga urpishina azhkata aparisha riwngui kamba ismata nisha rimay nisha asiwrani nuka churita runa askawnaya chiwasha chiwasha urpi tukushka chiraku askata mikun chasa apararisha purik asha chi kindi alpay alimanda purin alpay alimandashi rik aska kasna alimanda hiraykushi chi kindi warrashina riwsha asik aska kamba ismata aparisha riwngui nisha

Delicia Dagua - The Chagra of Hummingbird Man- Delicia Dagua

Ima shuti Kayta ñukanchi ninchi punzhu ruyawa ñukanchi ninchi, kay punzhu ruyawa payba kallari uras. Paywa asuangawa payba wasi punguwata chita pay upingawa, pay warmi asuata rikuchipi. Mana ñuka mana upishachu nisha kanga asuata kan upi nishacha nigara warmita. Chiga warmi mana, manachu upisha ñuka raygu asua yapa api man nisha nigara mana upibaj. Payrandi shamuk chiga kayta charij ashka pay wasi pungutaga pillukta tarpurisha. Chiga kasna ashakanga pay kasna sisasha gustuwata rikurisha chiga warmiga mana yachaj ashka. Pay chasna kausajta shamun pay chitga chaj, cha... mashtisha chitaga ña chi mashtiwataga pay upij ashka. Chuya chi paywa sisaway mishki an, chita pay llaushawallata pay upij ashak chuyawata. Chuyawata upij ashka chasnalla mana ña pay chasna aj ashka pay, payba shina rashka pay. Chiga kayta chi shi nira kayta imangata, chiga shu punzha ashkashi tiashka kasna liu chari ashka payga. Kay samita pay runa ashkay, pay runa ashkay chiga payga ichilla runawa tullu ashara ña. Mana wira runa tullu runawa ashara chiga warmiga asuata upichira, kayta pay upishka washaysha asuata. Ñuka upina apiga masta yakuta churay nijshara chiga churajpi chuyawapi tukun mas churakpiga asuaga. Ña chuya yanga yakuwa shina chishi payga llandu upin, chita upin asuata. Chiga imangawata chasna upigangui nisha, ñuka chasna upigani nishashi nira warmi. Warmita riman pay ñuka chasna upirani pero aj ashka tullu runawa, irki runawa. Chitata kuyntaganaun chi akangaun randi, chi akangau piñak ashka payta, yapa chi ruyata kuchungas. Ña ruytaga ñuka kuchuni nin mana paylla chan ñukas chasnallata chagrak mani, piñak ashka. Chi akangau, chi piñak ashka payta enemigo aj ashka payraygu, pay randi mana piñak ashka. Kasna ruyatawas urmachij ashka payga achawan, pay randi chi akangau ruku kamashha runa ruku shiaun. Chiga, payga ña chaupi ruyata kuchun kindirandiga chi warmiga lumu tukuy muñashkata tarpun payga. Chiga tau, waa... yanga talau imatas pay uyachisha tiagara chi akangau randiga. Chi pay randiga pugriga chasna tullu runawas ashas kuchun chagrata ña may chagrata shi ragara chagrata. Lumuta ña yanga shinchia mana upij ashallata chagraj ashka pay, shamuj payga kaytan chupan. Chiwasha pay kungaylla aj ashka Paywa warmi kayta upichishka o paylla Paylla, paylla, paylla, chi pay raygu kayga pay upina ashka chi raygu kay may sachays tian. Ñukanchi partimas tian kay. Warmiuna payta mana upichinauka shinami mas akangauta upichinauka. Akangau chikan tian aj ashka pay chikan, chi payga wasiy shamuj ashkay shamujpi chi warmi paywa warmi. Kuna chi pusisi warmiga sau, sau, sau, sau chiga ña payga kasna sisatas, kasna ñuka kari upichun nipi. Mana upigan chasna mana upisha tullu tukusha wañun nisha shi pay warmy. Kindi warmi, akangaun randi upichishka pay mama. Chi akangau randiga payga ushaushas upigaun kuti randi mana upin chasna ashas pay tarabaj ashka. Sinzhi runa ashka tarabangawa chasna aushkay pay llalita chagraun nisha chi kindi randi pay nishka. Imata chasna uyarian nishka kay ukum risha kindi tukuj ashka chi pusisi tukusha pay pis. Chi pay ruyata kuchuu shina raupis pis chiga man kuchun ña shu ruyallashay takasha. Kausaj ashka akangau ruya mana urman illan kaytachu warmiguna vallichisha kausaj ashkauna. Ñuka kasna tarabajta mana vallichiwanun ña piñarij ashka kindiga, piñamuylla runawa ashagara. Chitas yapa piña runawara ashara chi raygu kunanwas piñarisha purigan maytas pis chiga piñarishashi purin. Chasna aushkamanda shi paywa warmi chasna nisha tiapi shi chagragunata win sakisha nishka. Sashaga akangauta apisha, akangau runata apisha chiwan kausangui chagrasha. Ñukata marani ñukaga mana alli runacha ñuka yanga runa charini ñukaga pusisi runa marani. Pis chiun, chiun... pis, piñarisha rishka chiga warmiga wakasha purij ashka, paywa warmi llakisha wakasha. Chiga pay mashtita llanchamata takashaga pay imawan manduruwan dibujara chiga paywa washayga. Payga ña kay chi ña kay sisata shina chari chiga chasna pis risha nishashi washay manzhachishka purigara. Chi warmitaga chibishi pay wakaj ashka ñuka kariga payga sisata chasna upi, upik chara imak chara. Chasna asha ñuka llachapata rikushacha kasna rawan nisha wakagara chiga payga. Manduruwanmi chi llanchamataga llachapa batawataga pintarij ashka, chiga manduru maytas sisaklla. Kindi shina pintashka Mana kindi warmi Kindi warmi paywa karira pintaka Pay kari chi kindi warmiga kasna sisatacha chasna rarira ña achutita, achutita dibujasha. Chi llanchama llachapawata payga pintan chiga sisami nisha payta taka, taka piñachij man. Chi vulltarisha rikujpi pis purpur, shayarishkawa, pis chiun rij ashka chi pay wakaj ashka. Mana pay kay sisaupiga pay ñukata kasna rawan nisha wakaj ashka, chasna tukusha pay kindi tukushka. Kindi warmi manduruwa pintashka sisa, sisa, sisa chita. Chita chupasha niupi pero mana tian yakuwa, chasn kuytak ñuka apayaya chasna kuyntasha asichij agara. Shina purij ashka pugriga, chasna man chi cuentoga

Bélgica Dagua - Hummingbird Sounds Give Joy and Warn of Danger

Luisa Cadena - The Hummingbird Sound of the Anger

Prochilodus nigricans_edited.jpg

Photo by: Dušan M. Brinkhuizen

Colibri coruscans

Family:

Trochilidae

English:

Sparkling Violetear

Spanish:

Orejivioleta Ventriazu

Kichwa:

Kindi

bottom of page