Delicia Dagua, "Origin of the Agoutis."

Chiga punzhana randiga paywa mamallawan shi tiagara chi runaga, chiga sachama purij ashka. Pukunawan sachama purij ashka chasnay wayku chagara, wayku kasna tintuluta wayku. Chi urkuta payga riu aj ashka sachama puringawa chi riuskayga ña tukuy uras chi paytaga. Payta rikusha chasna nisha purigara ña, chasna nisha kallpajtaman payga, nisha kallpajgan. Payga kallpausha runata rikusha, kallpaj ashka chiga chi riu runa rimarij ashka ñuka warmima apanguima Nishashi nij ashka ñuka warmima apanguima, chagratacha gustuta asuachisha upisha tiayma nisha. Nishashi rimarin chi runaga musu aj ashka mamawan kausaj ashka, pay mamaga atun chagratacha charijgara. Chiga chasna rimarishashi rin puringawa, kuti shu uras kayandi riupiwas chayllashi piñasha kallpan punzhana. Chasna nisha kallpan chiga ñuka warmimi chapanguima chasnashi rimarisha puriun chi runa. Chiga ña kay kimsa kutin pay purishkay ña chasnalla piñasha kallpaj ashka, chiga kutibi chuskuy chibiga ña. Rikujpiga pay vulltamuushkay rukujpiga pay aychata wanchisha ña vulltamuushka pukunawan. Chiga shamuushkay rikujpiga aychataga kasnatashi wanchimun chi runaga aparisha shamun Rikujiga ruya sikiy chi pay piñasha kallpana kuskallaytacha rikujpiga ruya sikiy Ña kaywan pakta akchayuj shi gustu warmicha shayaushka, shayau ñuka kanwan shamuuni nishka. Aku nishashi nishka kan ñuka warmi tukunata munashachu kasna shayangui nishashi nishka. Ñuka luma yanga pashasha sirin asuashami upiway shami nishashi ni chi wamita. Chiga asiskashi payga, asiska washa rishka chi nishka ñukata apachiway nishashi nin. Pay aparisha riushkata kuway nin pay warmi tukuusha chi aparin punzhanta chig kushka. Kujpi aparishka aparishaga ña warmindi yaykuyrishka wasiy chiga pay mamaga chagramanda paktamushaga. Lumu shayachisha papatawas shayachisha mangay shayachisha sumak lluchusha uchugunata tikishashi. Churita chapaun chi payba mama chiga yaykuyrishka, ñambima rikushka. Maymanda warmita kasna apamun nikchara churi chasna yaykuyrijpiga, alli rikushaga shamuylla kachun. Nishashi nin, kallari timpu chasnashi niganaura ña mana riksishkamanda chasna yaykuchirikpi ña. Kachun nishashi rimajanaura ña una sola, mana shinachu ñukanchi shina. kunan timpu ñukanchi ninchi churimi apamun, maymacha warmita apamun. chi washa irusta