Ñawpa punda warmindi rishka payga, warmindi rika mashti pescado gunata ambisha ashkata apisha kay ashkata apisha chikunan kan ñawpata risha chunchu lluyringui niskay. Chi chasna nikpiga payga warmiga ña chunchullingawa wasi yanunga rishka. Payga ñuka kasna riu kasna muyumun ña aychata rikusha nisha sacha aychata rikusha. Chi chasna nisha rika pay wanchishka shuk lumukuchita wanchika, chimanda shuk carundita wanchishka. Wanchisha shamushaga pay awama rikupiga, kay muyu mana kaylla aparishka asha puka kambiaj muyu. Chashka aparish kakpiga shikasha mikushalla nishka payga lumukuchita kasnama, carundita kasna, churasha. Chiga pay away sikasha ña ashkata chi shatisha pallashakara chi muyuta. Chi pallash kayga chasnay supay shamusha chi ichuchisha wanchishkara paytaga. Wanchipiga ña mana rikurishka, mana rikurishka, wasimaga mana paktashka chi imawas mana shamun wayra shina shamun imara. Nisha ña chishybi indi biga pay rikungak rishka warmiga rikungak rikpiga ña unay wanchishka siriwshkara kariga ña. Unay, unay, wañushka chiga aychagunalla chima chi sirushkara, kariwas wanushka. Chiga, chita rikuka warmi vultiarika rik runagunata rimasha kay cambimandaga runagunataga mashti wanushkataga apachigara. Chiga kay cambiaj was supay chi chasna wanchira chi runataga, pay michasha wanchishka cambiaj muyutami michasha chi wanchira. Chasna nisha kwintaga nun mm. ¿Chi Cambiaj mana munaka pay paywa cambiaj muyu apinucho nisha? ¨Aaw¨ pay cambiaj muyuta michasha chi wanchira chi runataga Chiwarayku kayta manchasha upina an ashka aparishka ñukanchi rukuguna kunaga wayra shina upisha pallasha rina nisha [ajam] chasna asha cambiaj wanchi agan niga ñuka yaya kwintagara. ¿Chita ama shina wanchina imaray kantu tian o allira mañachin? Mana chasnalla tian chasna kwinta nalla tian chasna nishalla rima nuwra kwinta ganawra ñukanchi ruku yaya. ¿Y chi Cambiaj, Cambiaj supay ama wanchingak tianchu mañachina? Mashti chiga payga. Ñukaga kamba Cambita mi upiwni ansallata mi upiwni mana yapakta ashkata upiwnichu shina upina ashka kaywa Cambitaga. ¿Shina rimana? Chasna rimasha upina agashka chiga mana payga dañak chagashka payga ¨win¨ palla panga nishami chasna wanchi ashka. ¿Kuna kan ushasha mañanga payguna uyangak imasnara? Payga nina ashkay ama mana yapataga kamba muyutaga apawnichu ñukaga ansawallataga mi apawni nisha. Mana imatawas rawanguichu nisha sikana agashka chasna rimasha ruyata kasna llangasha rimasha. Chasna nisha upina nisha ñuka apayaya nik tuku garanchi sachay apasha ñukanchita rimak aka chasna rimasha.