"Ñuka kasna tuta wawayarani, wawayasha siriurani chi ña sukta punzha riura wawayashka ña. Sukta punzha riura chi shukta punzhayni nira palanda purundami tarabangawa riuni. Chiga chasna nipima ñukaga wawayasha siriukga ña shinasha tarabagri nisha ñuka kacharani Chi chimanda shamuk nira mashitami shishindami palotami wanchirani nira. Chiga chasna nipiga, imawata wanchirangui mashti wawa wañuk shan nishami niganaun nirani ñuka. Chi yangami vesmii ningui chiga creencia man nigara pay ñukata, chasna nisha. Ñuka piñarani chi wawa wañuk shan nisha niganaun kiwuishallas wañugan nishami niganaun Mashti wawata wanchingawa kan palogunata wanchisha puringui. chi raygu yangay wasiy tiauka wawayakpi tarabangaj kallpangui nisha piñarani. Ñuka chasna nipi achata apishaga, shu canowa sirira chi canoata partingawa shu yakuwaway churajrira. Chi ña kasna uraspi wawa ña wakay kallarira ña, masna chuchuta rikuchijpiwas mana chunllayarachu Ña mana, mana chuchunata munarachu kaku, kaku chuchuta rashaga chi wawatuwa. Chi imawa shi kasna tukunya nisha chi ña chi punzha pay chasna palota wanchina punzhaybi. Mashti chi wawaga kasna ñuka siriushkay, nira, nira, asisha ñukama, asisha ñukama kasna rikura Chi kasna llulluku wawas chasna kuintajcha aj ashka nisha rikusha ñuka tiarani. Chiga ña chi payga paywa yaya chasna palota wanchijpi wañungawa rausha payga ñukata chasna niwashkara Ñukata niwara payga chi chasna palota wanchisha chi wawakaupi nirani. Wawaga wañunmi yapata wakaun imayashacha nirani, ña chibi chasna ña mas chishibiga ña mas. Ña llanduyaurami ña chasnayga wakausha, wakausha ña ursaringa kallarina kasnay. Chasnata imasnata palo tuksirij an chasna, paygacha imasna tuksira ñuka wawaga ña kay aychaga ña win. Kay ukuti, kay pupuwas tsi llukshira, chunzhulli ñukanchi chunzhulli ukutiwawas kay intiruta llukshira Pay kiwiriullay, chasna llukshipara, ñuka yayawakta chi tuta apasha rirani chasnami ñuka wawa wañupaun. Mashti chupapay niranimi tabacogunawan, chi ñuka yaya chupara tabacowa. Mana imallas ambirirachu, kayandi pagarishkaybi motor bajanaura. Motor bajakpi chishita kasna horaspi riupi rirani ñuka Montalvota, Moltavota rik shi shamanda limpiachipi Shuk masthi chi pichaj warmigunata pichachijpis ña mana curarikachu ña wañuparachu chi wawa. Chasna rasha kari wawata wanchishka ani ñuka, chimanda kunanga wawayasha. Ñuka siriushkayga tarabana nijpi mana uyaj arani, chasna wanchiskani wawata ñuka. Pero ñukanchi rukuguna niganaura mana wañuchina niganaura, wawa wañun nisha kibirisha shu wañugan. Chiga ña chasna ñukanchi rukuguna ninaura chasna wañura kiwirisha ña. Kiwirij mara kasna taikun... ña shinki, shinki ñawis tukugara Imasnara wañum machakuy kiwirishkay? Payga kuti manachu tursirij man paloga mashti chi kasna kaspiwa waktajpi Kasna tursirij an wanchikpiga chiwarauku chari pay chasna tukusha wañupara Kamba churi shina Ñuka churi chasna tukusha wañupara, tuksirira payga kasna aychawawata kasna, kasna rasha. Nikga aychaga tus, tus.... pay kiwiriullaymi uyaripagara, chasna tukusha wañupashka an ñuka churi wawa Chi raygu ñukaga palota mana wanchina yachani wawayashkay, wañuchishka asha chita. Maybiga runaga chasna palogunata wanchipi wawa wañijpi yanga wañun ninaunma. Mana yanga wañunzhu wawaga chi chasna ruku yaya wanchijpi pajo tukusha wañun chiga. Chasna wañupashka an ñuka wawa."