Delicia Dagua, "On the origin of the white-lipped peccary."

Kasna yakuwawai paiga ashka wawayasha paiga chasna pundaga paiga runa kausaj, runa tukui asua, wangana asuachisha tukui upisha tian, pai ña yapa paiwa warmi chagragunais mikusha shuj chagranais mikusha, sachama puriuni chimanda shu partita kaima piriuni paiga nij ashka, wangana pai runa ashkai paiwa pukunata apasha risha, chimanda chi mashti taraputu masthi paiwa jachu niganchi chita paiga rasha kaiga ñuka cometaman nisha pai purijashka, chasna chishi landui pai shamj ashka, puriusha shamuni warmita kuitajashka, warmiga ñuka kari mai purisha chasna puriuni, mais puriuni, pai wanchimuj ashka ansawa wanchimuj ashka, mai imawa yutuwa chasnalla, kushilluta imasai wanchimuj ashka chita wanchimusha paiga warmiga chitaga ña sumak paiguna tiaj pura mingata rasha tukui chasna asisha alli alli alli kausaushkamanda ña, kuti pai shachagunai puñusha purij tukushka pai sachai, chiga tutamanda shamun, tutamanda shamun ña chasna, chasna rausha pai ña kuti randi ña karuyangawa kallarishka asuata upishaga ña paiga mana chuyataga mana upij ashka, sino katuj llapishkata api api api api rashkata chita pai upij ashka wangana runa, chiga warmiga asuaj asuawaun, asuaj asuawaun ña imacha ñuka chagrai mana kailla chunchisha mikun nisha kuintaj ashkauna warmipuraga, pai warmiwan, imata chasna mikungaya taruga pangata mukungaya chi chari chasna mana pangatachu mikupan ñukaiga lumuta mikupan nisha pain kuintaj ashka, tarugaga mana chasnaga chuntingachu paiga kuskata paiga pangawata mikun umansha kuintaj ashka, ña chasna ña quillachij ashka yapa shujunata mai urai quillachisha pai purin, chiga pai, paiga aillugunawan rishachari pai chasna mikujgara chimanda iksasapa iksamalla iksasapaj aska allpallalla runa, ña paiga atarij tutamandaga asuata upiun asuatas upiun chasna api llapishkata, mana chuyataga, upishka washaga ñuka puirnga riuni ñuka puringa riuni, kanga wawagunata alli rikusha aungui nishka chasna chasna raushkamanda ña paimanda karuyai kallarishka chiga warmiga nishka ñuka kari shu warmitachu charin imashina tukushata kuna kasna pailla pailla purin astallaga yurata kuchusha chagrasha kuwai nij ashka chagra tukurijpi chiwas paiga sachamalla purin, ña sachamalla puriun, ña aichataga imasaiga kushilluta apamun, imasaiga rigrayuj aichata apamun, ishkaiwata chishajta iyari paiga ishkaillawata wanchira, yanga chi warmi mikungallacha apamujgara pai chasna rauskamanda shi ña ninaura runagunaga yapami mikun lumuta, wanchina manga nishacha rimanaura kuintashkauna upiushkai chiga paiwas upiushka, shuj chimbamanda shamuj runa kuitaushka chasna nisha, chiga wanchina manga chasna mikusha puriuta, chapasha rikusha ambian shitasha wanchingawa nishka, chiga pai uyasha kuintachisha tiauj, paillata mikuj ausha, chasna aushkamanda kuti ña chi pai rinata kallarishka warmita rij wawataga mana purinchinata munaj ashka ña wawa atun ashkauna churiwaguna ushiwaguna, chiga wawata purichinga nipi ñukalla riuni nij ashka, ña wawata apasha ri ashtalla compañasha kanwa puringawa, kanllara imawata wanchingui, kanllata parimungui nisha, chi churiwaimas yanapasha shamunga nisha, mana ñukalla apamunga rauni, ñuka waukigunata rikungawa riuni nij ashka kuti ña chibi, maita kan waukita charingui nipiga, yanga niwarani nij ashka warmita, chiga chasna nisha wangana runa asij ashka ah ah chasna chasna rausha ña chingarishka pai, chingarij paiga wakasha warmiga purij ashka, ñuka kariga imacha tukupan supaicha wanchin nisha pai yuyarij ashka, supaicha wanchin maisha chingarikan nisha maisha wanchisha ichupanaura nisha pauga yuyarishaga warmiga wakasha purij ashka, chiga chagrama rijpiga, chagra ñambiy yututa saquij ashka, yura awai, chagraukui, imata kasna saquin apasha risha paiga pilasha, sumak pilasha mikuj ashka, chimanda chasna rauska manda kiungashkai kuti shamushka chi shamushaga nishka, ñuka wawagunta rikungawa shamuni, maita aungui nipiga puriuni sachai ñukapas sachata gustasha puriuni, chiga paiwa aillugunata apamusha paiga kasna yakuwawai chuntisha purij ashak, chuntisha katuta turuta rasha kasna purij ashka, chasna raushkai ña kuti ña kai chushku kutin tigramura, chimanda shuj paiwa churitaga nishka kunan aku ñukawa nishka, chimanda shuj churiwawas paiwas katisha nipi chitaga manashi munarachu, mana nishka pai kanga tiangu mamata rikusha nishka, chiga shu churiwaska rishka, rij chi churiga mana vulltiamushka chiga ña chasna raushkau shu churirandi musuyashaga nishka ñukaga maskanga rauni yayagunataga maishi ñuka wauki kausan nishka, chiga shuj runawa chi chimbama tiaj runawan tukushashi pai churiwaga rishka, chi rishkai uyajpiga maisha uyarishkauna tun tuntun tuntun tuntun chasna uyachijman pai mikuusha chiga tun tuntun tuntun chiga mashtita chasna mikun avispa kasna patallai shayajga wachansi timpuga muyuta paiga kasna mikun man, chiga itzhanlla rikushkauna paina ña kuska uyarin nisha, chasnaiga kuti uyajpiga cormetashka, cormetashka runachan imasha nishka manjhaushallata paiguna ña kasna pajtagriupi kuti cormetasha chiga cormetajpiga ña, ña rikujpiga ña mana kailla shiña mikunguna rikujpiga wangana, chi rikujpiga ña willmayuj tukuyuj shi paiga cormetashaga riun chi, chi puka cormetata, chi taraputu cormetacharin agayan chitaga kaima aparishka chiga paiga tokaun, chiga ujta shamunauchu nishacha tokaun ña paiga paichu amu shinachu aunya chi wangana runaga pai ailluguna, rikujpiga munlu, nishka mana, mana nishka kaiga chi runachari wangana ajgara nisha yuyarishka chi shujka kuti chi paiba churiwaga paiga, paiga mukuman nisha yuyarira runa shina tukshka wiñau chiga nishka, ña rikushka ñawita rikujpi ña rijsiushka runa, rijsiushka ashallata pero singallasha suni singaruku ashka chiga rikujpiga wangana runa ashka pai, chasna nisha rukugana chitaga kuitaj anaun, chasna aj ashka pai, chasna chi man wangana cuentoga.