Delicia Dahua. " On Wanduj short."

"Ñaupa punda kuintangui doña Delicia kan awirishkamanda. Ñuka mamita siempre pay awiriusha chasna awirijgara kasna chi wanduj pangata. Poruque ñuka mama pay upij asha, wanduj upij warmi mani nisha pay awirijgara. Chi ñuka yayaga nigara shuk tunuta awiri chillata awirij angui nin mara Chi nigara mana nin ñukaga wanduj upij asha wanduj pangata awirini nigara. Y chasnallatas kunan ñuka awirishkani, ñuka pero ñuka mamita pay upij ashka iskay kutiwan. Ñuka sukta kuti upishka warmi mani ñuka chasna asha kunan awirishkani wanduj pangata. Kan wandujta upisha kamba mamara iyaringui? Siempre chita upisha ñuka ambirishkani ña hasta kayga payguna masna piñajpi, masna imata rimajpi Mejor ñuka kuna mas awama ñuka rishkani, chasna ashkani ñuka Y kamba mama imara kuintaj aka wandujmanda? Pay wañuusha pay upij ashka ña payta ichuushkauna, ichushka ñuka apamama Amanda ichushka payta. Ichushka Payta ña ichushka ña shu wasiwa tiaj ashka chaybi pay wañungawa nishkauna. Brujuguna mana ambiringachu pay chi ñuka apamama pay kari wañujpi paylla wiñachiushka pay wawagunata. Entonces chibimi ñuka mamitaga ungushka alli aushkamanda pay punguishka Intiru aychata ña kay tuku ñawi, entonces chibimi ñuka apamama, ñuka abuelaga Amadaga nishka pay. Shuk turiwas yachak, shukpas yachak ashkauna, ashkauna wakinitun manya y estanikun manya Ashkauna shinzhiguna chiguna, shukha balay wañushka man, Shukga paylla yachakguna shitajpi wañushka man shuk wauki entonces chiguna nishkauna ayawashkata upisha. Mana ambiringachu raun pani kamba ushushiwaga wañungami raun nisha. Chi nishkauna ama charichu ña wasimanda chi wasiwaway churay upichi nishkauna wandujta. Chiga pay ichushka sirishka sapalla, chibi rikuchijpiga upi ushushi, Wañushawas ña wandujpi kanga chingaringui, imashinata rashkangui Ña chigunas manas ambinata ushanaunzhu, shu achiwas ña chasnalla nin, shu achiwas chasnalla nin. Mana ambiringachu raungui ushushi kanga upi, kayta upishimachari ambiringui. Ñuka mamitaga ña manzhaushas wakashka washaga wañusha nisha upishka pay. Pero pay ña mana alli ashka, mana alli aycha ñawi pungishka tukui, chibi ñuka mamita kuintara. Chasna ichushka sirisha upirani nira payna upichipi, chi upishkay shamunaura nira ashka shamunaura nira. Tukuy, tukuy pangata kasna, kasna markamusha shamunaura nira. Wanduj warmi, wanduj kari paktamunaura nira, kan imanashata kasna siringui. Ñukanchi kunan kanda ambingawa paktamunchi nisha paktashkauna payguna. Kanda ambingawa ñukanchi shamunchi mana yanga nishkauna, chasna rimasha. Wayrachishkauna, wayrachishkauna, wayrachishkauna, kayga mana runa bruju ambina chan Kaytaga yaku runa kay yakumanda yachaywan, yaku amarun shitashka man nishkauna Chita mana piwas mana ambingachu nishkauna, chasna rimasha payguna pichashkauna payta. Pichashkauna tukuy chasna punguishkataga ña sumak, sumak pichashkauna. Chasna pichashkay ñuka mamita pay ambirishka ña kausarishka pay. Chishi indiy kausarirani nira ña las cuantro tupuy pay kausarishka, chi kausarisha tiaushka pay sapalla. Ña chi wasiwaway ichushka tiauga sapalla tiaushka, iyarisha, chibi cantasha paylla tiaushka ñuka mamita. Cantaushka pay Paywa mama Chi ñuka apamama payga chagrata rishka upichishka washa, entonces chi shamusha. Chi ñuka mashti apamamaga rishka imashinashi ñuka wawaga kausaringachu manachu. Manachu kausaringa nisha pay shamushaga chishiy ña rikujrishka, rikujpiga paylla tiasha pay cantarisha tiashka. Pay imata pay cantaura, cantasha tiaushka chimanda washa nishka kuna ambirinimi Alli man kanguna ambishkata nisha rimarisha tiaushka Imasna watara charika pay? Pay charishkanga como trece años charishkanga pay chi temporada, pay charishkata chasna rimagara. Ñuka charishka mashkani ña kasna kay ña chuchuwata charishkandi kasna killa chuchu nij anchi ñuaknchi. Ñukanchi tunu rimanchi hasta kunangama killa chuchuwata charik, chasnallay pay chasna tukushka. Chibi shi nishkauna chi wandujpi nishkauna kunan rikungui ñukanchi pichashka washaga. Kandaga kay shimima aire shina llugshinga raun nishka kasna, sau, karan au, niskay llugshingaruan nishkauna. Rimaushkauna payta wandujguna chasna rimashka washa ama upinguichu kanga. Kanga ayunanga raungui chushku punzhata mana mikunguichu mama rikuchijpiwas. Mana mikunguichu ni palandas llapishkatas mana upinguichu nishka, chita pay paktachishka ñuka mama. Chimanda ñuka ambirirani nisha ñuka mamita kuintagara Chi raygu kay wanduj pangara paywa ñawira awirishka Chi raygu pay Intiru kwausay shina Karan uras ña pay upiusha may chagrata ringarausha pay ña siempre kayta awirishka Siempre pay awirijgara ñuka mamita, chi nigara wandujta upisha kausashaga. Kangunaga upisha, ambirisha kausashaga, kanguna ruku away kangunas awirina mangui kambas. Nij magara ñuka mamitaga, chasna nishka ajpi kuna ñuka kuna awirini kunan punzha."